QUÉROTE MÁIS (4 ANOS)

 🎵🎶🎷Quérote máis que á tortilla de patacas con xamón...🎵🎶🎷

Sónavos? É unha canción do Sonoro Maxín que bailamos na aula de 4 anos para falar... de poesía! E falando do que nos gusta a cada unha/un, creamos o noso propio QUÉROTE MÁIS. 

Como o fixemos? Primeiro falando e anotando o que máis nos gusta, e como o podiamos describir; despois pegando imaxes e frases e compoñendo cada estrofa por equipos; logo decidindo como ordear as estrofas (lanzando un dado e contando os puntos); e, por último, compoñendo a poesía colectiva en formato mural e decorándoo. Levounos varias sesións, pero agora o mural está na clase e foi unha experiencia chulísima de creación literaria a partir dunha canción.

O resultado foi este:

QUÉROTE MÁIS

Quérote máis que ao 1, 2, 3 plan,

que ás xirafas boas.
 que aos lápices de cores
e que aos unicornios pequenos.

Quérote máis que a unha estrela de mar, 

que ao elefante gordo,

que á sardiña fina

e que ao mono saltador.

Quérote máis que a un corazón mediano,

que aos libros de animais,

que ao arco da vella máis grande

e que a todas as bandeiras do mundo.

Quérote máis que a un bocata de queixo recén feito,

que aos macarróns con tomate,

que á nocilla máis rica do mundo.

e que a un dinosaurio de peluche.

Quérote máis que á crema de verduras,

que a unha flor rosa

e que a unha bolboreta voadora.

Adiviñades de que nena/o é cada verso?

Decorando o mural no chan